رسائل خاصة

[ilia]

هل تعلمون يا أصدقائي أنني الليلة فقط اكتشفت أنّ لي رسائل خاصة ؟؟ ولولا مساعدة تلقيتها من أحد الاصدقاء ما تمَّ هذا الاكتشاف ..
والله أنا الآن لأول مرة أطلع عليها ،
كنت أظن أن المراسلات بين الاصدقاء تتم عن طريق الايميل .
أرجوكم أرجوكم أرجوكم اعذروني وأعد بأن أرد على الرسائل في المستقبل .وألف ألف شكر لجميع الذين كتبوا لي .
أنا فعلا خجلان منكم ..

[ريمون]

هل تعلمون يا أصدقائي أنني الليلة فقط اكتشفت أنّ لي رسائل خاصة ؟؟ ولولا مساعدة تلقيتها من أحد الاصدقاء ما تمَّ هذا الاكتشاف ..
والله أنا الآن لأول مرة أطلع عليها ،
كنت أظن أن المراسلات بين الاصدقاء تتم عن طريق الايميل .
أرجوكم أرجوكم أرجوكم اعذروني وأعد بأن أرد على الرسائل في المستقبل .وألف ألف شكر لجميع الذين كتبوا لي .
أنا فعلا خجلان منكم ..

ولو يا شيخ ايليا سألنا كنا قلنالك عليون و انا عم قول شيخنا ايليا ليش مش عم يرد علينا :confused:

[ilia]

يظهر يا أبو الريم أنو شيخك خرفان على قولة سيمون جرجي .
بتعرف ؟ حاولت رد على بعض الرسائل وما قدرت ؟ .. العمى شو اني متخلف ضيعجي .
في خبر حلو وسار ولازم ينحط بهل الزاوية :
- هل تعلم أن واحدتاني لاعب شطرنج ؟
أنا سعيد بهذا الاكتشاف خلينا نجرب ياصديقي واحدتاني الجميل في زاوية تبادل خبرات على العلن . واللي بيرح يتوجب عليه أن يسقي ويطعم جميع الزبائن في المقهى على حسابو
موافق ؟؟
ياالله ! أنا في انتظار نقلتك الاولى .

[wahedtany]

مبروك عليك وعلينا صحوتك الأنترنتيه وارجو ان تعم علينا هذه الصحوه باليمن والبركات وان تبعد عنا الفيروسات والدود والأحصنه الطرواديه وان تمكننا من اعدائنا ونأخذهم أخذة مقتدر أحد.

[ريمون]

يظهر يا أبو الريم أنو شيخك خرفان على قولة سيمون جرجي .
بتعرف ؟ حاولت رد على بعض الرسائل وما قدرت ؟ .. العمى شو اني متخلف ضيعجي .
في خبر حلو وسار ولازم ينحط بهل الزاوية :
- هل تعلم أن واحدتاني لاعب شطرنج ؟
أنا سعيد بهذا الاكتشاف خلينا نجرب ياصديقي واحدتاني الجميل في زاوية تبادل خبرات على العلن . واللي بيرح يتوجب عليه أن يسقي ويطعم جميع الزبائن في المقهى على حسابو
موافق ؟؟
ياالله ! أنا في انتظار نقلتك الاولى .


له يا شيخي ابدا مانك خرفان على سلامتك و ان قالها اخونا بالله سيمون بيمون اكيد ؟
على مهلك بترد على الرسائل ابدا لانك لا متخلف و لا شي بس ضيعجي اصلا هاالكلمة رائعة المضمون

محبتي

[برديصان]

عزيزي إيليّا ما نوع الإيميل الّذي تستعمِله؟ هل تستطيع من خلاله قراءة الرسائل المكتوبة بالعربيّة؟
خدمات الايميل الألمانيّة مثل web.de أو gmx.de لا تدعم العربيّة وبالتّالي لن تستطيع قراءة الرسائل بها.
اذا كان "ايميلك" الّذي سجلت به في المقهى من ال"هوتميل" فستستطيع حينها قرائل كل ما يصلك من المقهى من رسائل أو ما شابه.

[simon jerjy]

مرحباً يا أصدقاء...
كيف حالُكم هذا المساء؟ أرجو لكم كلّ خير وسلام!
حملت إلينا جرائد ذاك الصّباح خبراً صعبَ تصديقه في نهاية السّنة السّابعة من القرن الحادي والعشرين! تقول صحيفة "الناقد" إنّ رجلاً بابليّاً من سكّان برلين تاه في منزله الصّغير وهو يبحث عن "الكنيف"! فقادته خطواته أخيراً بعدَ عناءٍ وحصرٍ وتضييق إلى مطبخه، وهناك أفرغَ ما أمكنه من محتوى تخلّفه في أقرب "بالوعة"!!!
بعدَ حين عادَ وضاق به الحال فصاح لاعناً ساعة البداوة وقال: إنّ لساناً عربياً مبيناً كلساني لابُدَّ وأن يأخذ شيئاً من تلافيف دماغي (آه يا محمّد) ومواكبته عصر التقنيّة والسّرعة، إمّا هذا أو ذاك؟ لأرتضينّ إذن بالأوّل لأني لا أضمن الثاني فإذا ذهب الأوّل وخسرتُ الثاني كنتُ كمن عاد بخفّي حنين!
حمداً لله على سلامتك وسلامة "الرسائل الخاصّة". لَه يا شيخ... بكير يا زلمة! بعدنا بأوّل السهرة!
"أرجوكم اعذروني": وين بتنصرف هي؟ بعدين تعا لقلّك: لما تفوت عالمنتدى وتسجل اسمك ما بتشوف شي قدّ البغل اسمو "الرسائل الخاصّة"؟ لا والأرقام كل فترة عم تزيد وصاحبنا نايم بالحمام!!! إي والله بَرْطيما ما عملا!

يللا ماشي الحال... قلبنا طيب وكبير، روح يا شيخ مسامح! :D.

كنتُ أحبّ أن أمازحك قليلاً فقد آستني أيّامي هذه ولم أجد طريقاً لكسرِ حلكتها، فتقبّلني واشرح صدرك يا غالٍ غير معروف!
سلام إلى الجميع.

[georgegoel]

بعدين تعا لقلّك: لما تفوت عالمنتدى وتسجل اسمك ما بتشوف شي قدّ البغل اسمو "الرسائل الخاصّة"؟ لا والأرقام كل فترة عم تزيد وصاحبنا نايم بالحمام!!.

سلامي للجميع ولأبن عمي أبو جرجي الغالي طول بالك عالزلمة لو ;)
ياسيدي ضليت أضحك ساعة على كلمة قد البغل ..روح ياشيخ الله يسعد أيامك :D

[simon jerjy]

أهلين وطن... كيفك يا غالي؟
والله يا ابنَ العمّ أنت بتمون عالرقبة، وهاي طوّلنا بالنا كرمالك.
يعني يا أبو جريج، معقولة واحد يسجّل دخول في المنتدى ويشوف اسمو وين نازل وما يشوف اللي حدو؟
إي بشرفي طيما برطيما بيكون!
بس خلص أنت ابن العمّ وكلامك ما بينزل عالأرض... سلام للرجال.

[LolitaLempica]

معلش يا جماعة! أنا رح أحكي ضميري، بس لحتى رد جزء من جميل العزيز إيليا عليي.
يعني استلمتوه للزلمة!
شو بدكم أكتر من هيك ثقة بالنفس وشجاعة!
أنا لو محلو ما بحكي أني ما بعرف بالرسائل الخاصة، لكن إيليا قبضاي، وقال اللي عندو واعتذر من الكل علناً.
خلص إيليا، ولا يهمك، اليوم رح أبعتلك رسالة كتير حلوة (جكر) فيهم.

[georgegoel]

أهلين وطن... كيفك يا غالي؟
والله يا ابنَ العمّ أنت بتمون عالرقبة، وهاي طوّلنا بالنا كرمالك.
يعني يا أبو جريج، معقولة واحد يسجّل دخول في المنتدى ويشوف اسمو وين نازل وما يشوف اللي حدو؟
إي بشرفي طيما برطيما بيكون!
بس خلص أنت ابن العمّ وكلامك ما بينزل عالأرض... سلام للرجال.

لك أنت اللي على راسي ياطيب ...

بعدين أم اللول أبعتيلو جكر فينا أصلاً ما بيهمنا بس خايف تنصدمي أنو مابيشوف رسالتك هون المصيبة
بعدين نحن ما بنغار الله يوفق لنصفق ;)

[ilia]

معلش يا جماعة! أنا رح أحكي ضميري.
يعني استلمتوه للزلمة!
شو بدكم أكتر من هيك ثقة بالنفس وشجاعة!
أنا لو محلو ما بحكي أني ما بعرف بالرسائل الخاصة، لكن إيليا قبضاي، وقال اللي عندو واعتذر من الكل علناً.
خلص إيليا، ولا يهمك، اليوم رح أبعتلك رسالة كتير حلوة (جكر) فيهم.
__________________

عفارم عليك يالوليتا ( يا شمس الدنيي كلَّها )
كنت امفكر حالي وحيد مذلول ومالي سند . تاريني غلطان ومالي خبر .
بارك الله فيك يا- أحلاهم - والله رفعتِ لي معنوياتي ورجَّعتِ لي ثقتي بنفسي هل كانت زعزعتها لوزا وأوسكار ..
لكْ لوزا !! تصوري يا لوليتا .. لوزا ماغيرها !! سمعت شو حكيتْ عني ؟؟
بس هلأ خلاص ولا على بالي، ماعاد يهمني حدا مادمتِ أنتِ معي ..
وحياة سيمون جرجي رح دمّرْ القاعدة الصاروخية تبع أوسكار هل متمركزة بالصاخور .
ولوزا ؟ هاها ها .. شوفي ما أسهل القافية تبعها :
- موزه .. جوزه .. روزا ..حوزا .. بوزا .. جوز ها .. الخ

ولا يهمَّك يا واحدتاني أنا صحيت صحوة اسلامية ، ومين في يهديني ؟

سيمون جرجي امفكر حالو ذكي حرامات !! هه قال مطبخ قال ..
ليش ما بتعرف يا ... توبه يارب ،، أني ما عندي مطبخ ؟؟
لك لايمتى بدي داريك ؟
وحق الش... لولا كرامة جورج وبرديصان هللي نفعني كتير ، لكنت وكنت ... شو كنت عملت فيك ؟؟ احْمِدْ ربك ..
وروح ردّ على لوليتا إذا فيك ، شفت كيف أفحمتك ؟؟
متل ما أفحمت سيريانو البكري في معركة - أجنادين - بين الرجال والحريم . بتتذكر ؟؟
هَي لوليتا آغاتي ، مو حيّ الله ..

[Oscar]

أول شي مبروك الحلف الجديد، تاني شي أضم صوتي للبقية وأقول لك ألف ألف مبروك لإكتشافك العظيم تبع الرسايل الخاصة بس بتعرف يا إيليا غريب انك ما اكتشفت هالشي من قبل مع انو سيريانو بحدائق النور قال لك انو هو بعتلك رسالة خاصة مو إيميل !

رح دمّرْ القاعدة الصاروخية تبع أوسكار هل متمركزة بالصاخور .


اي أهلين بس مو بالاول لتعرف العنوان المزبوط للقاعدة الصاروخية مشان تعرف وين تحارب ووين تقصف وتدمر يا روح أمك ! قال بالصاخور قال.

ليش ما بتعرف يا ... توبه يارب ،، أني ما عندي مطبخ ؟؟
لك لايمتى بدي داريك ؟


بالله شو! ماعندك مطبخ! لكان على شو صرعت الدنيا بعزيمة السمك المشوي إذا ما في مطبخ! ولا بس هيك كلام ووعود فارغة ولا هي عزيمة على الطريقة الشامية ! كان بدي أحكي أكتر من هيك لكن بوجود سيمون جرجي فلا داعي لأكثر من الكلام فردوده وأقواله حد الحسام .
روح أبو السيم الله ينصرك على الباطل.

[siriano]

أرجو من الادارة تنبيه الزميل ايليا و الطلب منه أن (يحل عني و يتركني بحالي ) .
تركت المنتدى و لم أكتب أي مشاركة منذ اسبوع و مع ذلك ما تركوني بحالي .
بعد الكلام الذي دار عن الشعب السوري طلب الأستاذ بسام من أعضاء المنتدى عدم العودة لفتح المواضيع القديمة و مع ذلك قام ايليا باعادة فتح الموضوع _ولم يقم المشرف بتنبيهه على ذلك _عندما قال :
<<<ماأزال يا عزيزي إلى هذا اليوم حرداً لابسبب المرافعة التي شنّع بها عليّ " الاتهامُ " أو المشرفُ سابقاً ، سامحه الله ، وإني لأحبه على الرغم من من كل شئ .
ولكن لسبب آخر أظنك تعلمه وهو : موقف سيريانو " العبسي " من نيللي .
هذا الفتى أغلظ لها في القول ولم يعتذر .
ونيللي عزيزة علينا ، وما يقع عليها من ضيم يقعُ علينا .
أتدري لماذا ؟ تذكّر يا عزيزي .. ألا تذكر ؟
إذن اسأل والدك عن الأيام الخوالي .. أيام العز والكبرياء والرجولة وشموخ الانوثة .>>>
http://www.annaqedcafe.com/showthread.php?p=8885#post8885
و قد تجاهلته تماما كيلا نعود للدفاتر القديمة و الحديث عن من بدأ و من أغلظ في الحديث .....الخ و ذلك احتراما لرغبة الأستاذ بسام في اقفال المواضيع القديمة و احتراما لأعضاء المنتدى الذي مللوا من هذا الكلام .
و الآن عاد ايليا مرة أخرى لاقحام اسمي بطريقة غايتها الاستفزاز لا أغناء الحوار :
[COLOR="Purple"]
وروح ردّ على لوليتا إذا فيك ، شفت كيف أفحمتك ؟؟
متل ما أفحمت سيريانو البكري في معركة - أجنادين - بين الرجال والحريم . بتتذكر ؟؟
هَي لوليتا آغاتي ، مو حيّ الله ..
ممكن يا سيد ايليا تشيلني من قاموسك نهائيا .
يا جماعة تركتم و حليت عنكم فياريت تحلو عنني و تنسوني بقا .
اذا سكتت ما بحلو عني , و اذا رديت بقولي عصبي و لسانو طويل و .......الخ .

[simon jerjy]

إلى العزيز سيريانو
تحيّة شوق ومحبّة... وأرجو أن يتّسع صدرك لي ولما سأقول، وأنت تعرف كم أحبّك من قلبي والله يعلم!
بالنسبة لما قلتَه عن عودة إيليّا إلى الخلاف الذي حصل بينك وبين نيللي، والجميع يعرف الأسباب، وتوجيهه الكلام إليّ، فقد جاء الجوابُ في حينِه: المشاركة 14 في الصفحة نفسِها.
لكنّك يا صديقي العزيز مررتَ أيضاً على ما كتبه إيليا نفسُه بعد جوابي، وبعد نقل المشاركات إلى صفحةٍ أخرى، دون أن تتطرق إليه، فقد كتبَ رداً على جوابي يقول:
لقد صدقت هنا أيضاً ، فمشاعري هي التي توجهني ، وأرجو مثلك أن تعود المياه إلى مجاريها فنحن بحاجة إلى الاثنين . وربما يكون قول صديقنا واحدتاني حافزاً للصديق سيريانو على الاقدام على المبادأة : احذر من سيدات المنتدى وتأكد قبل مخاطبتهم من أنهن من الجنس اللطيف ، فالعاقل يستطيع شمَّ رائحة عطور الورود من بعد فمشاركتهن عذبة وبدون عنف وبراغماتية
http://www.annaqedcafe.com/showthread.php?t=1430
وهذا أكبر دليل على أنّ الخلاف لا يطالك أنت بل يطال قضيّة تمت معالجتها وقلبنا صفحاتها بعد تدخل المشرف (الله يرحمو ويرحم ترابو) وبسّام. ودليلٌ أيضاً على أنّ الرجل فخورٌ بك، حتى إذا اختلفتما أو اختلفنا في قضايا فكريّة أو اجتماعيّة أو...إلخ.
وأظنّ أنّ جوابي الأوّل (ثمّ جواب إيليّا) على المسألة كان كفاية فقد كان في صالحك تماماً، وهذا ما وجدتُه عدلاً وحقاً، رغم محبّتي لنيللي أيضاً.

فأما عن الكلمات الأخيرة لصديقنا إيليّا، فقد جاءت لأنه شعر بغيابِك عن المنتدى كما شعرتُ أنا بذلك، وكما شعر البقيّة، ولهذا فهو يدعوك من قلبِه، وليست كلماته لا استفزازاً ولا شيئاً آخر ينتقص منك ومن مشاركاتك.
وبصراحة إذا سكتّ فأنا شخصياً لن أحلّ عنك، واعمل اللي بدّك ياه!
يا أخي بحبّك من يوم ما فتت عالمنتدى، وما بعرف ليش، هيك... والمحبّة من الله.
هذا ما كان عندي وقلتُه باختصار، لا تنسَ أن توسع صدرَك قبل أن تردّ عليّ، فأنا رجلٌ حسّاس :).
كلّ المحبّة.

[ilia]

أيها الأحبة ، بارك الله فيكم ..
عزيزي سيمون عظم الله أجرك . أنا ممتنٌّ لك :
أمّا بعدُ ..
عزيزي لا بل حبيبي سيريانو .. انتظر كي أختار لك لقباً جديداً ال.. ال.. ال.. آآآآ وجدتها .
التغلبي - سيريانو التغلبي - لقب جميل وعليه تكون صرت ابن عمّ لي ..
وبين أبناء العم مافيش تكليف
ولهذا فرداً على طلبك :
( ممكن يا سيد ايليا تشيلني من قاموسك نهائيا .)
سأجيبُ : لا ياسيدي أنا لن أشيلك من قاموسي أبداً لان بيني وبينك شراكة في الموقف السياسي وفي الموقف من الخطر الداهم ، ولأن بيني وبينك خبزاً وملحاً ياما طعمناه على مائدة الناقد .

ورداً على صرختك :
( يا جماعة تركتكم و حليت عنكم فياريت تحلو عني و تنسوني بقا .)
سأجيب : إنْ تتركنا فأنتَ حرٌّ وليست لنا للأسف سلطة عليك . أما نحن فلن نحلَّ عنك ولن ننساكَ ، ولماذا تريدُ أن نحلَّ عنكَ وننساكَ ؟
وعلى قولك :
( اذا سكتت ما بحلو عني , )
أجيب سائلاً : ما الذي يلزمُك السكوت َ؟
وعلى قولك :
( و اذا رديت بقولي عصبي و لسانو طويل و .......الخ . )
أجيب بكل سرور قائلا :
ردَّ يا أخي وليقل عنك إيليا ما يشاء فقوله لن يرديك صريعا ..
وليكن لسانك طويلاً فنحن نحبُّ الألسنة الطويلة وقد انضوينا تحت لوائها .

حبيبي سيريانو خليك freundlich وشيل من تفكيرك أوهامك السودا
أنا أخوك الكبير ولن أكون لك كارهاً أو عليك حاقداً أو لحقك هاضماً أو لشعورك مؤذياً

استنى شوي ! استنى ، شوف هلاَّ شو بدي ساوي لك بالليدي بنت العزيزيه .
لكْ اي اضحك بلاش غم ، وتعا لأبوسك ..

[ilia]

بس بتعرف يا إيليا غريب انك ما اكتشفت هالشي من قبل مع انو سيريانو بحدائق النور قال لك انو هو بعتلك رسالة خاصة مو إيميل !
لك أنا انهزمت منك من هديك الزاوية جيتي لحقتيني هون ؟ الللللله يعطيك العافية ،
كيفك يا حلوه ؟ واللهِ بتحطيم الهاء كنت رح استسلم ، يا خيّي ماني قدك ، ليش الكذب ..
بس بتعرفي ليش بعدني عم رفِّس متل ولد عشر سنين ، لأني خايف افقد كلماتك ياللي أطيب من الويسكي .
وليش مستغربه اني مااكتشفت الرسائل ؟ ما الحق عليك أنتِ.. اخدتي لي عقلي وتركتيلي الهبل . وبتلوميني فوقها يا العنود ؟
بتلوميني ليه ؟

ولا هي عزيمة على الطريقة الشامية !
- يا المشررررف ،،، يا مشرف أفندي ..
- لك شوفي كمان .. صحيتوني بنصاص الليالي ، ، هادا أنتِ يا إيليا ؟ يعني ماعدنا نخلص من مشاكلك ؟
- إهانة ياسيدي المشرف ، إهانة كبيرة ما بينسكت عليها ، واللهِ مارح اسكت ، وينك يا استاذه نيللي تفضلي ترافعي عني بهل القضية .. ما اسمعتِ شو قالت الحلبية ؟؟
- اي اسمعت هَي إهانة كبيرة بحق الشوام ، بس المرافعة ترى بتكلّف ..
- خليها اتكلف قد ما اتكلف .. أديش يعني ؟؟
- مو أقل من ألف أويرو ..
- ألف أويرو ؟؟ .. أحم ، احم .. قلتي ألف أويرو ؟
- أي ألف أويرو .. شو امفكر لكان ؟ ألف سنت ؟
- لا لا لا .. ما في شي . البنت عم تمزح ..


كان بدي أحكي أكتر من هيك لكن بوجود سيمون جرجي فلا داعي لأكثر من الكلام فردوده وأقواله حد الحسام .
روح أبو السيم الله ينصرك على الباطل.
لك أوسكار ،، تعي قربي مني اوشوشك .. لك قربي ،، ماني آكل بصل ..
هادا الاسمو مابينذكر ما بحب النسوان ؟ صدقيني مابحبون .. لك إإإي ممكن يكون .. وليش لا ؟؟ ما سمعتيه كم مره سب على ستنا حوا .
شوبدك فيه ؟ ، تعي حبيني أنا ، وبلا لك ياه ،
لك هادا ما بينحب يا هبلا ..
أنا اللي بحبك ورح خليك اطيري معي ع جناح الكلمة الحلوه لفضا لازوردي مافي لاهم ولا غم . لك تعي أوام لا تضيعي على حالك الفرصة ..

[Oscar]

أنا اللي بحبك ورح خليك اطيري معي ع جناح الكلمة الحلوه لفضا لازوردي مافي لاهم ولا غم . لك تعي أوام لا تضيعي على حالك الفرصة ..
كلماتك يا عزيزي فعلاً حلوة بتخلي الواحد يحس انو عم يطير هالشي ما فيني انكرو :)
يا حرام يا إيليا كل هالمشاعر بقلبك وكل هالحب مخبي عني !!!!
طيب احكي كنت من قبل ...... لمحلي يا زلمة بإشارة.... بغمزة.... ببسمة.. ..... بنظرة عين!
بس كيف ممكن اتاكد من مشاعرك إذا كانت صادقة خصوصاً انك معروف بملاحقتك للفتيات الصغيرات ونازل فيون غزل عالطالعة والنازلة، يا خاين مالكش أمان!
وفوق كل هالشي شو نسيت انك خاطب الحسناء المتمرجحة :D بخاف اعمل مشاكل بيناتكون. مو حرام يضيع تعبي انا وسيمون عالفاضي ....... صدقني صدقني يا إيليا لوتعرف كم واحد من المنتدى ساعدنا مشان نقنعها ونخليها ترضى فيك. قال شو.....هي هوايتها بالحياة الطبخ والنفخ وانت ما عندك مطبخ فوين بدها تمارس هواياتها! بس خلص هلا مشي الحال ورضيانة .
لا تفكر يا إيليا بعدين اني بكام كلمة حلوة منك رح انسى اللي عملتو فيني.....
لك كيف هيك بتشكيني للمشرف ! وخططت لكل شي وكنت ناوي ترفع قضية عليّ وعينت نيللي محامية كمان! بس طلع ما في معك 1000 يورو وإلا يا لطيف شو كان رح يصير ....... حتولع قوي.
إذا عزيمتك تبع السمك مو صادقة كانت يا إيليا فكيف بدك ياني صدق مشاعرك! يا خاين مالكش امان!

[georgegoel]

أخي إيليا حاجتك بقى بدك البيضة والتقشيرة يعني ....:confused:
سمحنالك بالجميلة لوليتا تكلمها براحتك والآن بدأت ب أوسكار العزيزة
لعلمك أوسكار في بضهرها زلم ومو حيالله زلم أنا وأبو جرجي وحليفنا برديصان
فإياك من ضربة طورانية أزخينية لأن سوف تكون قاضية
ديربالك بقى
فش بشلومو ;)

[Oscar]

أخي إيليا حاجتك بقى بدك البيضة والتقشيرة يعني

صدقت يا جورج، إيليا المشاكس بدو كل شي ......المهم يكون فيه تاء التأنيث ونون النسوة، وبيستخدم لسانو الحلو ليوقعون بشباكوا.
لا وواثق من نفسو كتير وبيحكي وبيفتري عالغوالي انهون ما بينحبوا على اساس هو ....... :D اي عازك عليهون عموووو.
بس مو عرفان خطيتو مع مين علق ........مع بنت حلبية وعلى اصولها كمان، فكيف إذا كان معها ابناء طور وأزخ والمشهود بقوتون ;) اكيد الضربة سوبر قاضية .
بس على مهلكون شوي شوي عليه يا شباب، حرام.

[simon jerjy]

كلماتك يا عزيزي فعلاً حلوة بتخلي الواحد يحس انو عم يطير هالشي ما فيني انكرو
يا حرام يا إيليا كل هالمشاعر بقلبك وكل هالحب مخبي عني !!!!
طيب احكي كنت من قبل ...... لمحلي يا زلمة بإشارة.... بغمزة.... ببسمة.. ..... بنظرة عين!

أكاد أشكُّ في نفسي لأني أكادُ أشكُّ فيكَ وأنتَ منّي
يقولُ الناسُ إنّك خنتَ عهدي ولم تحفظْ هوايَ ولم تصنّي
وأنتَ مُناي أجمعها مشتْ بي إليكَ خُطى الشّبابِ المُطمئنِّ
يُكذِّبُ فيك كلَّ الناسِ قلبي وتسمعُ فيك كلَّ الناسِ أُذني
وكمْ طافتْ عليَّ ظلالُ شكٍّ أقضّت مضجعي واستعبدتني
كأنّي طافَ بي رَكبُ الليالي يُحدِّثُ عنك في الدنيا وعنّي
على أني أُغالطُ فيك سمعي وتُبصر فيك غيرَ الشكِّ عيني
وما أنا بالمُصدِّق فيك قولاً ولكنّي شقيتُ بحُسنِ ظنّي
و بي ممّا يُساوِرُني كثيرٌ من الشَّجنِ المؤرّقِ لا تدعني
تُعذَّبُ في لهيبِ الشكِّ روحي وتَشقى بالظنونِ وبالتمنّي
أجبني إذ سألتُك هل صحيحٌ حديثُ الناسِ خُنتَ ألمْ تَخنـّي؟
أكادُ أشكُّ في نفسي لأنّي أكادُ أشكُّ فيك وأنتَ مني
يقولُ الناسُ إنك خنت عهدي و لم تحفظْ هواي ولم تَصُنّي
وأنت مُنايَ أَجمعُها مَشتْ بي إليك خُطى الشّبابِ المُطمئنّ.

[Oscar]

صديقي عتدما تزعل يصبح داخلي زلزال
فلا تبعد فببعدك تتغير الاحوال
لست أنا التي قلت بل ايليا الذي قال
وهو من حزب اللسان الطوال
في ملاحقة الفتيات تراه يجري كالغزال
فلا تهتم يا أقوى الرجال
ودعك مما قال فأنت دوماً عالبال

[simon jerjy]

إنّ أغنية "ثورة الشكّ" من كلمات الشاعر الأمير عبد الله الفيصل ومن ألحان رياض السنباطي وغناء أمّ كلثوم.

من أعجبته فليستمع إليها: http://pages.6arab.com/singers-ar/middle/om-kalthoom-ar.shtml