تمارين لتحسين الذاكرة

[Oscar]

إذا كنتم تشكون من ضعف الذاكرة أو أن ذاكرتكم لم تعد كالسابق، بالإمكان حل هذه المشكلة. فقد أفادت دراسة أميركية انه بإمكان الإنسان السيطرة على الذاكرة وجعلها اكثر حدة وذلك في أي مرحلة من مراحل العمر. أما أهم التمارين فهي كما يلي:

التركيز:
الاهتمام والاستماع للتفاصيل والتركيز في دقائق الأمور يساعدكم في التذكر.

التكرار:
كلما أردتم تذكر شيء قوموا بتكراره في داخلكم، هذا الأمر يجعل ما تريدون تذكرة ينطبع في ذاكرتكم وتصبح عملية تذكرة اسهل.

الكتابة:
كلما كتبتم اكثر كلما كان تذكركم للمعلومات أسرع واسهل.

الألعاب الذهنية:
مثل حل الكلمات المتقاطعة وغيرها من الألعاب تحفز الدماغ.

تعلم أشياء جديدة:
حاولوا ممارسة هوايات جديدة فتعلم أي شيء جديد يحفز من قدرة الدماغ ليعطي المزيد، حاولوا مثلا تعلم لغة جديدة فهذه الطريقة سترفع من قدرات الدماغ و تنشط الذاكرة.

اتبعوا نظاما معينا:
حاولوا دائما الاحتفاظ بروزنامة إلى جانبكم وقوموا بتفقدها باستمرار، وعيكم بالتاريخ ومسير الأيام ينشط من قدرة دماغك على التذكر وعلى التعامل مع الأرقام.

تناولوا الأطعمة المغذية للذاكرة:
هناك العديد من المأكولات المنشطة للذاكرة مثل الفواكه والخضراوات بالإضافة إلى الحبوب.

الاستماع للموسيقى:
الاستماع للموسيقى الهادئة ينعش الدماغ.

ممارسة التمارين الرياضية:
ممارسة التمارين الرياضية بشكل يومي يرفع من نسبة الأكسجين في الدم مما يعني وصول كمية اكبر من الأكسجين إلى الدماغ.

[John Nabil]

شكرا لك يا أوسكار على المعلومات، رغم اني لا اعاني من مشكلة في الذاكرة ولكني اظن ان هذه التمارين ستساعد كل انسان، اليس كذلك؟

[georgegoel]

كلك ذوق وتسلمي
فعلاً معلومات قيّمة
بس حاسس على هااحال ما رح ننام الليل من التفكير

[Oscar]

العزيز جون، انا ايضاً لا اعاني من مشكلة بالذاكرة، لكن لي صديقة تعاني من هذه المشكلة.... كان لديها مفكرة لتتذكر مواعيدها لكنها في النهاية نسيت اين وضعت هذه المفكرة... :confused:. لكن بعد اعتمادها هذه الطرق بدأت تتحسن ذاكرتها خاصة فيما يتعلق بالالعاب الذهنية كأن تخفي أوراق اللعب وعليها معرفة الاوراق المتطابقة المخبأة وهي لعبة تقليدية لكنها مفيدة فهي تعتمد يشكل كبير علىتذكر أماكن الاوراق المخباة.....
ذكرني العزيزجورج بكلامه عن التفكير والنوم بنعمة النسيان التي اتمنى لو كنت امتلكها لنسيان العديد من الأحداث والاشخاص.
محبتي

[simon jerjy]

أجل... أنا أُعاني من ضعفٍ في الذاكرة في أمرين اثنين:
ما يجب أن أفعله، ولهذا أُدوّن دوماً واجباتي على أوراقٍ أراها كلّ يوم.
وأسماء الأشخاص الذين مرّوا ويمرّون في حياتي، وهذا يؤلمني كثيراً لأنه يضعني في مواقف محرجة و"بايخة".
شكراً يا أوسكار على النصائح وسأُحاول العمل ببعضها إن سمح لي الزمن!

[Oscar]

نعم عزيزي سيمون
عليك بهذه النصائح كي نضمن انك لن تنسانا :p
و إن جاء ذلك اليوم وجمعتنا الصدفة واكتشفت انك نسيت اسمي صدقني باني سأقيم الدنيا ولن اقعدها، بل سأبقيها واقفة على قدم واحدة :D

[LolitaLempica]

نهاركم سعيد أيها الأحبة:
بالنسبة لي، أنا لا أنسى إلا الأمور التي يطلب مني عدم نسيانها!
أكره أن يوصيني أحد بفعل أمرٍ ما، لذا فإني أنساه متعمّدةً.
صديقتي المقاتلة أوسكار:
لا داعي لأن تقيمي الدنيا وتقعديها لأن أحدهم قد ينسى اسمك يوماً ما! افعلي مثلي... انسي متعمّدةً وكوني أنت المبادرة في عملية النسيان!
ولئن صادفته يوماً في الشارع، وألقى عليكِ التحية، (اعملي حالك ما معك خبر)، وانظري إليه وأنت ترمشين بعينيك ببراءة، وقولي له ببرود شديد: عفواً، أنا بعرفك شي!!! :D

[LolitaLempica]

أعزائي إليكم هذا الاختبار المفيد:
Face Memory Test
http://www.bbc.co.uk/science/humanbody/sleep/tmt
ستظهر لكم 12 صورة ضمن أول مجموعة من الصور، تمعنوا بها جيدا وحاولوا أن تحفظوا تلك الصور وتلك الوجوه، بعدها سيطلب منكم أن تنتظروا 5 دقائق للانتقال الى الخطوة الثانية للاختبار.
الخطوة التالية، ستظهر 12 صورة أخرى مختلفة ضمن ثاني مجموعة للصُور، وبعد ذلك سينتقل بكم للخطوة الثالثة وهي الأهم، حيث سيعرض عليكم 48 صورة.. وسيطلب منكم تحديد ما إذا كانت كل صورة موجودة في المجموعة الأولى أو في المجموعة الثانية، أو أنها غير موجودة في كلا المجموعتين.
في نهاية الإختبار سيتم تقييم نتائجكم بنسب مئوية.
حظاً طيباً للجميع، ولا تنسوا تخبرونا عالنتائج. :p

[alternative]

من وين نكشتيه هادا يا لوليتا
بتعرفي انو عملتو قبل سنتين .. بس ما همتني النتيجة
لانو نسيتها كمان :D
هادا موقع ال ب ب س في اختبارات حلوة غير هاد
في اختبار كشف الصدق والكذب من عيون الشخص, بحطولك شي 15 صورة وبدك تمييزي الصادق بابتسامتو من الكاذب
انا كنت احكم على الشخص من عيونو ..هادا الفيرست امبريشن متل ما بقولو بعد ما عملت التيست صرت احكم من اللاست امبريشن :o

[LolitaLempica]

من وين نكشتيه هادا يا لوليتا
والله وصلني بالإيميل من أحد الأصدقاء يللي متأكدين من كوني لا زلت على قيد الحياة.
بتعرفي انو عملتو قبل سنتين .. بس ما همتني النتيجة
قصدك تقول يعني... بعبارة أخرى: بايخة وقديمة!...You let me down :(
بس مو مشكلة، طالما أنّك استعبرتني.
هادا موقع ال ب ب س في اختبارات حلوة غير هاد
فعلاً، أنا اليوم مثلاً عملت اختبار حلو، بيكشفلك ان كنت بتفكر كرجل أو بتفكر كامرأة، وأنو في بنات ممكن يكونوا زلم بتفكيرهن :D. بس اطمن! طلعت حضرتي بفكر متل النسوان. ;)

[alternative]

قصدك تقول يعني... بعبارة أخرى: بايخة وقديمة!...You let me down

ولك لاه لاه يا سلمى .. وهادا مخك لشو ناتعتيه ;)
مو هيك قصدي .. قصدي انو عملت التيست ونسيت نتيجتو لهالدرجة بنسى ..
يعني متل رفيقة اوسكار يللي كتبت على المفكرة ونسيت المفكرة

بعدين انا يللي مواضيعي بايخة وقديمة .. سألي اوسكار كل ما كتبنا شغلة بتألي :
سورري منك التيرناتيف بس هاي حاكيين عنا من قبل

قلتيلي التيست تبع النسوان والذكورة
ما في حاجة نعملو يا بنت .. مو منشان شي بس انا مقتنع انو ذكر , بلا ما اعملو ويطلع تفكيري نسواني وما ئلي خبر
خلينا مقتنعين احسن
ابعد عن الشر وغنيلو

[LolitaLempica]

سيدي... الحكي ما عليه جمرك.. ولا مش سمعان بالجمرك؟!!! :D
http://www.youtube.com/watch?v=KCRrElehCfc

[alternative]

يسلملي ربك .. الضرب على الفعل مو على الحكي
اي هيك احسن
على هالسيرة بتعرفي انو جبت العقل زينة وتابع لشي تابع كامليين يعني شي 5 ساعات من الضحك المتواصل

[LolitaLempica]

إنسان كبير خواجة ألترناتيف..
ما أنا هاد اللي حسيتو، وخفت لا يسخطونا عالبلوعة قمت حطيت اللينك، وهلأ بهاللحظة عم أحضر مشاهد من مقابلتو الأسطورية بحوار العمر.

[alternative]

سمعي هاي قبل ما شيلا .. لانو ما عندي لينكا .. بكرا بنجيبو
طبعا سلمى باللون الزهر

يحرق .... ولك بلا مخ !!

اولن انا بعرف حالي اني حلوة .. وحتي لو بلا مخ
ايي

ما اصلن شكلي بكفي يضرب عالمخ .. اتخن مخ
متل ما بدك

ايي مجربتا وبعرف
عم تقول اني بلا عقل .. اي شو بدي بالعقل , ما شكلي بيطير العقل

[LolitaLempica]

لا تقللي هي من العقل زينة! بس ليش بدك تشيلها؟

[alternative]

هاي من تابع لشي تابع
اسم البارت : harimous :D
قلت اذا بيسمعوها احلى .. هو صوت سلمى بيطير المخ كمان .. بصراحة:)

[LolitaLempica]

بونجور... بونسوار... أورفوار... :d :d :d
لا تقللي على صوت سلمى، أداءها الصوتي لهالمخلوقة أكتر من رائع، بتذكر الغنية وقت اللي بيقللها المرحوم جوزيف:
من الأفضل أنك تحتشمي...؟

[alternative]

مية بونسوار
وشفتي شلون بس حبكت القصة تبرت من حبيبها ... وقال شو ما حدا الو معي شي

[Oscar]

إي خلص لوليتا والتيرناتيف قلبتولنا الموضوع تشات http://www.akhawia.net/images/smilies/icon_frwono.gif..... بدنا نلاقي حل لذاكرة العالم التعبانة وانتو على بونجور وبونسوار http://www.akhawia.net/images/smilies/icon_frwono.gif

[LolitaLempica]

إي خلص لوليتا والتيرناتيف قلبتولنا الموضوع تشات http://www.akhawia.net/images/smilies/icon_frwono.gif..... بدنا نلاقي حل لذاكرة العالم التعبانة وانتو على بونجور وبونسوار http://www.akhawia.net/images/smilies/icon_frwono.gif
والله الحق معك يا أوسكار (اسمك هالفترة عم ينوّر على كل شاشات التلفزة)، اللي صار أنو مرة كنّا أنا وألترناتيف سهرانين... بطقّة الضهر!!! شو؟ طلع معنا هالكلام.
هاد كلّو من ابن الرحباني يللي بيجرجرنا وراه وورا طريقتو بالحكي.

[Oscar]

يعني هلا طلع الحق عالرحباني! وانتو ما بتحبو الحكي والخروج عن المواضيع أبداً عأساس http://www.akhawia.net/images/smilies/icon_frwono.gif