المساعد الشخصي الرقمي

عرض الإصدار الكامل : أنت رجل... أنت محظوظ

LolitaLempica
08-07-2007, 01:40 PM
يعزّ عليّ هذا... لكن يجب أن أعترف بأن الرجال محظوظون...:d
24 سببا يجعلك مرتاحا لكونك رجلا ...

1- المكالمة التليفونيّة تنتهي خلال 30 ثانية .
2- تستحم وتكون جاهزا للخروج في 10 دقائق .
3- رحلة لخمسة أيام تحتاج حقيبة واحدة فقط .
4- الأصدقاء لا يهتمّون اذا ازداد وزنك أو نقص .
5- الحلاّقين والكوافيرية لا يستطيعون سرقتك "عينك عينك".
6- عند تقليب المحطات على التلفاز لا داعي للوقوف عند كل لقطة فيها واحد عم يبكي .
7- ليس هناك من داع لأن تحمل حقيبة ممتلئة ب' أشياء ضروريّة ' كلّما خرجت .
8- تستطيع الذهاب إلى الحمّامات العامّة دون فرقة دعم أو مرافقة !!!
9- الكنية (اسم العيلة ) يبقى نفسه مدى الحياة .
10- تستطيع ترك غرفة الفندق دون الحاجة لترتيبها ..
11- إذا نسي أحد اصدقائك دعوتك لمناسبة ما، لن يتسبب ذلك في تدمير صداقتكما.
12- التطنيش يحلّ جميع المشاكل !!!!!
13- ثلاث أزواج من الأحذية هي أكثر من اللاّزم.
14- ما ينهزّ بدنك إذا ما حدا لاحظ قصّة شعرك الجديدة.
15- مزاج واحد في جميع الأوقات !!!!
16- الشعر الأشيب :هيبة و جمال.
17- لا تهتمّ إذا كان في حدا وراك عم يحكي.
18- الريموت كونترول إلك، وإلك لوحدك.
19- اذا مضى وقت طويل و لم تحكي بالهاتف مع رفيقك، لن يقول هذا الأخير بين أصدقائك : إنّ فلان متغيّر.
20- إذا كنت في حفلة و ظهر أحدهم بنفس ملابسك، يمكن أن تصبحوا من أعزّ الأصدقاء.

21- لديك الحريّة المطلقة في أن تربّي شارب أو لا ...!!!
22- نفس قصّة الشعر قد تستمرّ لسنين، ربّما عقود .
23 - أنت في الرابعة و الثلاثين وغير متزوّج ... إي شو يعني ؟؟
24- كل أعضاء وجهك تحافظ على لونها الطبيعي
Loza
08-07-2007, 02:41 PM
كلام سليم 100% - الظاهر ان شعور المرأة فى كل البلدان العربية واحد
John Nabil
08-07-2007, 03:18 PM
يعني عنجد انت فهمانة يا لوليتا، يا حرام أيتها النساء اللاتي يعانين من كل هال 24 شغلة ناقصة.
والحقيقة أنو بند 8 جدا بحيّرني، يعني دايما بشوف الجاهة اللي رايحة على الحمام وما بفهم ليش.
ونسيتي تضيفي ال 25 فيك يا رجال تطلع من البيت وترجع من غير ما حدا يسألك.
بس الامانة عليك من وين جبتيهن؟؟
georgegoel
08-07-2007, 05:57 PM
كل كلامك مظبوط لوليتا عنجد شي بيزعل أنو أنتو محرومين من كتير أشياء
بس برأي أنو أنتو السبب كل واحدة فيكون هي السبب
بس كلو كوم و لما بنكون بشي سهرة و البنات بيأشروا لبعضون لحتى يروحوا
عالحمام أي شو عزيمه:confused
وكمان بضيف بند ال 26:الرجل اذا كان بمكان عام وكان عم يشرب كحول وأركيلة
بيقولو عنه بيحب ينبسط أما الفتاة....مسكينة بيحكوا عليها مشكل ملوُن...:eek:
Euphoria man :cool:
مش بس أنت Lolita وريحتك بتعقد;)
wahedtany
08-07-2007, 07:08 PM
يمكن اضافة بند ان ملابسك يمكن ان تكون 3 قطع فقط "مفهومه طبعاً"
LolitaLempica
08-07-2007, 09:49 PM
شكراً أعزائي لمروركم.
عزيزتي Loza هذا شعور المرأة في كلّ بلدان العالم على ما أظنّ، كلّنا في الهوا سوا!
وبالنسبة لسؤالكم عن المرافقة اللي بتروح ع الحمام، رح جاوبكم عليه، لأن أكيد ولا واحد منكم يا شباب كان عضو بهالمرافقة، ولا ممكن يكون:D:D:D
الغاية من المرافقة على ما أعتقد، هي منشان كلّ وحدة تحمل جزدان التانية لمّا بدّا تدخل ع الحمام، وكمان منشان تناولها قلم الروج، والماسكارا، وقنينة البارفان ووو....
ما بعرف إذا في وظائف تانية ممكن أن تقوم بها المرافقة.
بس يا جون البند رقم 25 ما بينطبق غير عالزلمة اللي مو متزوج، أما المتزوج، فإذا طلع من البيت، فيا ويلو إذا ما قدّم تقرير مفصّل، مدعوم بشهادات ووثائق وبيانات رسمية، عن المكان اللي كان فيه.
البند رقم 26 كمان من الأمور اللي بتتحسّر عليها البنت، بس والله بتصدق يا جورج، في كتير بنات بشوفهن بيشربوا أركيلة، وبشكل عادي جداً!
وشكراً منشان Lolita;)
وأنا كمان فيي ضيف شغلة من تجربتي الذاتية:
الرجل بيقدر يختار ملابسه، بمدة أقل من 3 ساعات!!!
wahedtany
08-07-2007, 10:25 PM
المرافقه الى الحمام حسب اعتقادي الخاص تقوم بها النساء من أجل بلبلة الرجال في معرفة من من النساء المرافقات فعلا قامت بقضاء حاجتها.
عندما تكون لوحدها في الحمام فالجميع يعرف لماذا كانت هناك
كده ولا ايه!
nelle
08-08-2007, 03:06 AM
لوليتا ايه لأه ما حبيتها منك بنوب . ما بتفق معك ابدا ابدا , مافي احلى من البنت ورح قلكن ليش احنا محظوظين:
1-الدلال والغنج النا احنا وصغار واحنا وكبار الشب ما بيشوف من الجمل ادنه
2-الحياة تخرج من رحم الانثى
3-ابدا مو مملين نتيجة الاهتمام بمظهرنا بينما الشب موديله هدا هو ما بتغير :cool:
4-تشكيلات بتعقد باللباس واللاحذية وكل سنة موضة شكل
5-كل شي عنا حلو الاكسسوارات والحلي والمجوهرات حتى التاتو الناعم علينا حلو
6-مسكين الشب لما بدو يتزوج شو عنده مصاريف احنا نجي على البارد المستريح كل شي جاهز
7-اذا رحنا حفلة او سهرة الكل بخدمتنا LADIES FIRST
8-بس نكبر ويصير عنا اولاد الناس بدها رضا الحماية مو الحما لانه احنا الكل بالكل ;)
9-كل شي عنا متأن ومتكتك بينما الشباب بتلبس شفشئة بتحمم بسرعة بتحكي تليفون بسرعة احنا عنا كل شي الو طقوسه مو هيك كيف ما كان :D
10-بيعدوا اهالينا سنة يفكروا باسم البنت وقت الحمل بينما الصبي يا اسم جده يا عمه ويمكن يسميه شي حدا من العيله :eek:
LolitaLempica
08-08-2007, 06:51 AM
والله أصبتيني بمقتل يا نيللي!
كلامك صحيح، وأكتر شي حبيتو كلمة "شفشئة" من وين جايبتيها :d:d:d
John Nabil
08-08-2007, 08:28 AM
نيللي يا نيللي، شو عاملة حزب معارضة؟؟
يعني لوليتا جابت 24 بند، بينما انت جبت 8 ، يعني ما زبطت معاك كثير.
بس بقدر أضيف على بنودك بند راح عليك
البنت اذا بكيت بقولوا شو حنونة اما الزلمة فبقولو عنو مش رجال.
nelle
08-08-2007, 05:01 PM
نيللي يا نيللي، شو عاملة حزب معارضة؟؟
يعني لوليتا جابت 24 بند، بينما انت جبت 8 ، يعني ما زبطت معاك كثير.
بس بقدر أضيف على بنودك بند راح عليك
البنت اذا بكيت بقولوا شو حنونة اما الزلمة فبقولو عنو مش رجال.
هأه الحزب مو معارضة بس اسمه انتي الاجمل ;) :D
بس بدك الحقيقة الله داعي علينا "الى رجلك يكون اشتياقك" القصة ما فيها مهرب :)
nelle
08-08-2007, 05:04 PM
والله أصبتيني بمقتل يا نيللي!
كلامك صحيح، وأكتر شي حبيتو كلمة "شفشئة" من وين جايبتيها :d:d:d
عزيزتي لوليتا هي الكلمة شامية بحته :p بس وين انتي عايشة حتى ما فيكي تشربي ارجيلة??? بالشام اللاراجيل للبنات اكتر من الشباب Iam surprised where is such a place??:confused:
بالنسبة للمشروب اجمالا البنات السوريات بشربوا بيرة كتير
ilia
08-08-2007, 06:56 PM
[SIZE="4"][SIZE="4"]بس وين انتي عايشة حتى ما فيكي تشربي ارجيلة
بالبوكمال
LolitaLempica
08-08-2007, 08:52 PM
ما عم مصدّق إيليا معنا بنص الأسبوع !!! هلا والله!
يا أصدقائي أنا عايشة بتورابورا... ارتحتوا :D؟؟؟؟
أنا ما قلت أنو ما فيي أشرب أركيلة، بالعكس أنا قلت أنو في بنات بيشربوا أركيلة بشكل عادي، هاد جورج يللي قال مو أنا :confused:
المهم يا صبايا (نيللي و Loza) بحب قلكم: وينكم من زمان؟؟؟
تركتوني لحالي مع الشباب، يقيموا قيامتي :(
John Nabil
08-08-2007, 11:43 PM
تركتوني لحالي مع الشباب، يقيموا قيامتي :(

ما عاش اللي يقيم قيامتكن دليني عليه بس، وبعدين ايليا أحسن مدافع عنك ولا أنا غلطان؟؟
LolitaLempica
08-09-2007, 11:29 AM
لا عزيزي جون، مانك غلطان... والله كلكم فيكم الخير والبركة! :)، ولا سيما إيليا يلي طلع معو أني عايشة بالبوكمال! وعم أستخرج النفط من باطن الأرض!!!
بس الوحيد اللي بيحب يتخانق معي، وبيضل بيذكرني بأنو أمنا حواء هي اللي حرمت الجنس البشري من الفردوس، هو تأبط شرّاً (سيمون).
هات لنشوف، هي دليتك عليه، مع مين رح تصفّ؟ معي ولا معو؟:rolleyes:
John Nabil
08-09-2007, 01:33 PM
لا عزيزي جون، مانك غلطان... والله كلكم فيكم الخير والبركة! :)، ولا سيما إيليا يلي طلع معو أني عايشة بالبوكمال! وعم أستخرج النفط من باطن الأرض!!!
بس الوحيد اللي بيحب يتخانق معي، وبيضل بيذكرني بأنو أمنا حواء هي اللي حرمت الجنس البشري من الفردوس، هو تأبط شرّاً (سيمون).
هات لنشوف، هي دليتك عليه، مع مين رح تصفّ؟ معي ولا معو؟:rolleyes:


مع الحق، بس بما انو سيمون صرلو فترة مختفي عن المنتدى منصف معو لحتى يرجعلنا سالما غانما.
لانو بالفعل اشتقنالوا.
georgegoel
08-09-2007, 05:49 PM
أنا اللي قلت نيللي ما تستلوا للمخلوقة لولو هي مدلله عنا
أنا قصدت أنو البنات ما بيأركلو برياحة أو الكل بيطلعو عليون كأنو عاملين شي مو منيح
بعدين أم اللول هاي/ للوليتا عم دلعك/يعني زعلانة اذا ضليتي لحالك يبناتنا و الله بندللك صدقيني
سلامي للجميع و نشوف وجكو بخير
LolitaLempica
08-09-2007, 09:28 PM
تسلم أبو الجوج...;) والله خجلتني.
يعني أنت يا جون لقيتلها فتوى؟ أنو سيمون غايب، لهيك منصفّ معو، إيه قول أنك ما بدّك تصفّ مع بنات :p
nelle
08-09-2007, 10:17 PM
It doesnt matter for me at least where do you live? this is not the issue!!!:cool: I was just wondering where is such a place (except for the Gulf) that women cant smoke (or dont feel comfortable while smoking) just because of their gender nothing else!!? thats Sadddd :eek: .Anyway, take care